وزیراعظم نے اقوام متحدہ کی جنرل اسمبلی سے خطاب کے اہم نکات تیار کرلئے thumbnail 8

وزیراعظم نے اقوام متحدہ کی جنرل اسمبلی سے خطاب کے اہم نکات تیار کرلئے

اسلام آباد:وزیراعظم عمران خان نے اقوام متحدہ کی جنرل اسمبلی سے خطاب کے اہم نکات تیار کرلئے۔

ذرائع کے مطابق وزیر اعظم عمران خان 24 ستمبر کو اقوام متحدہ کی جنرل اسمبلی سے ورچوئل خطاب کریں گے۔

وزیراعظم عمران خان نے اقوام متحدہ کی جنرل اسمبلی سے خطاب کے اہم نکات تیار کرلئے،وزیر اعظم اپنے خطاب میں افغان ایشو، خطے کی صورتحال، علاقائی چیلنجز پر بات کریں گے۔

وزیراعظم کے خطاب کا محور و مرکز افغانستان کی موجودہ صورتحال ہوگی جبکہ عمران خان عالمی برادری کی توجہ افغانستان کی نئی حکومت کی جانب مبذول کرائیں گے۔

ذرائع کا کہنا ہے کہ وزیراعظم عمران خان خطاب میں کورونا کے بعد کی صورتحال، معاشی چیلنجز اور عالمی سطح کے مسائل پر بھی بات کریں گے ۔

اس خبر پر اپنی رائے کا اظہار کریں

اپنا تبصرہ بھیجیں