وزیراعظم کو بیرون ملک سے کیا تحائف ملے؟ حکومت کا تفصیلات دینے سے انکار thumbnail 9

وزیراعظم کو بیرون ملک سے کیا تحائف ملے؟ حکومت کا تفصیلات دینے سے انکار

اسلام آباد:وزیراعظم عمران خان کو بیرون ملک سے کیا تحائف ملے؟، وفاقی حکومت نے عدالت کو تفصیلات دینے سے انکارکرتے ہوئے تحائف کو’’کلاسیفائیڈ‘‘قراردے دیا۔

اسلام آبادہائیکورٹ میں جسٹس میاں گل حسن اورنگزیب نے کابینہ ڈویژن کی درخواست پر سماعت کی۔

کابینہ ڈویژن نے وزیراعظم عمران خان کو بیرون ممالک سے ملنے والے تحفوں کی تفصیلات دینے سے انکار کرتے ہوئے مؤقف اپنایاکہ سربراہان مملکت کےدرمیان تحائف کا تبادلہ بین الریاستی تعلقات کاعکاس ہوتا ہے،ایسے تحائف کی تفصیل کے اجرا ءسے میڈیا ہائپ اور غیرضروری خبریں پھیلیں گی،بے بنیاد خبروں سے مختلف ممالک سے تعلقات متاثر اورملکی وقارمجروح ہوگا۔

عدالت نے پاکستان انفارمیشن کمیشن اور شہری ابرارخالد کو نوٹس جاری کرتے ہوئےجواب طلب کرلیا ۔

وفاقی حکومت نے شہری کو تفصیلات دینے کا انفارمیشن کمیشن کا حکم اسلام آباد ہائیکورٹ میں چیلنج کیا ہے۔

اس خبر پر اپنی رائے کا اظہار کریں

اپنا تبصرہ بھیجیں